ललितपुर । मेलम्चीको पानी पहिलो चरणमै भक्तपुर पठाउने भएको छ ।

काठमाडौं उपत्यका खानेपानी व्यवस्थापन बोर्डको सोमबार बसेको बैठकले कार्य योजना संशोधन गरी पहिलो चरणमै भक्तपुर र किर्तिपुरमा मेलम्चीको पानी पठाउने सहमति गरेको हो ।

काठमाडौं उपत्यका खानेपानी लिमिटेड (केयुकेएल) का प्रमुख मिलन शाक्यले मेलम्चीको पानी पहिलो चरणमा काठमाडौं र ललितपुरमा मात्रै पठाउने कार्ययोजना पेश गरेपछि भक्तपुर नगरपालिकाका प्रमुख सुनिल प्रजापति र किर्तिपुर नगरपालिकाका प्रमुख रमेश महर्जनले गम्भीर आपत्ति प्रकट गर्दै कार्ययोजना संशोधन गर्न जोड दिनुभएको थियो ।

नगर प्रमुख प्रजापतिले नेपाल सरकार आयोजना कार्यान्वयन निर्देशनालय (पीआईडी) ले नगरपालिकासित आवश्यक समन्वय विना ठाउँ ठाउँमा पाइप बिछ्याउने, खोला किनारमा पर्खाल निर्माण गर्ने र संरचनाहरु निर्माण गर्ने गरेकोतर्फ बोर्डको ध्यानाकर्षण गराउनुभयो ।

उहाँले खानेपानी, शिक्षा र स्वास्थ्यजस्ता आधारभत आवश्यकताका विषयहरु सरकारकै जिम्मेवारी हुनुपर्छ भन्नुहुँदै प्रजग कोरिया कोरोनामुक्त देश हुनु, चीनले कोरोना छिटै नियन्त्रणमा लिन सक्नु र क्युवाले विभिन्न देशमा चिकित्सकहरु पठाएर सहयोग गर्न सक्नु समाजवादकै कारण सम्भव भएको हो भन्नुभयो ।

बोर्डकै एक सदस्यले खानेपानी व्यवस्थापनमा निजी क्षेत्रलाई क्रमशः बढी जिम्मेवारी दिंदै जानुपर्ने बताएपछि प्रमुख प्रजापतिले त्यसको प्रतिवादमा निजी क्षेत्रलाई अस्पताल खोल्न दिंदै अहिले जनतालाई आपत पर्दा बन्द गरेको र अमेरिका, इटाली, स्पेनजस्ता देशहरुमा आजको स्थिति देखा परेको उल्लेख गर्नुहुँदै यसले पुँजीवाद व्यापक जनताको हितमा नभएको संसारले बुझ्ने अवसर पाएको बताउनुभयो ।

हाल काठमाडौं उपत्यकामा दैनिक ४३ करोड लिटर पानीको माग भएपछि औसत १२ करोड लिटरमात्रै आपूर्ति भइरहेको केयुकेएल प्रमुख शाक्यले जानकारी दिनुभयो ।

मेलम्चीको पानी २०७७ असार महिनासम्ममा उपत्यकामा झार्ने नेपाल सरकारको तयारी छ । मेलम्चीबाट दैनिक १७ करोड लिटर पानी प्राप्त हुनेछ — शाक्यले बतानुभयो ।

बैठकले काठमाडौं उपत्यका खानेपानी बोर्डका निर्देशक डा. सन्जिब विक्रम राणालाई बढीमा तीन महिनाको म्याद थप गर्ने पनि निर्णय ग¥यो । राणाको म्याद २०७६ चैत्र २८ गते सकिंदैछ ।

बैठक बोर्डका अध्यक्ष तेजराज भट्टको अध्यक्षतामा बसेको थियो ।

LEAVE A REPLY

Please enter your comment!
Please enter your name here